काठमाडौँ । राप्रपाका नेता तथा सांसद समेत रहेका राजेन्द्र लिङ्देनले नेपालको नयाँ नक्सा जारी गर्न अरू कसैको अनुमति लिनु वा गुहार्न नपर्ने बताएका छन् ।

आज संसद्मा भएको नीति तथा कार्यक्रममाथिको छलफलमा बोल्दै सांसद लिङ्देलले उक्त कुरा बताएका हुन् । उनले सरकारले अतिक्रमित भूमिहरू फिर्ता लिने र छुटेका भूमिलाई समेटेर नयाँ नक्सा जारी गर्ने विषय नीति तथा कार्यक्रममा समेटिनु स्वागतयोग्य भन्दै कुनै छिमेकीलाई सोधेर आफ्नो देशको स्वाधीनता रक्षा नहुने समेत बताए छन् ।

उनले भने ‘स्वतन्त्र र स्वाधीन राष्ट्रले आफ्नो नयाँ नक्सा जारी गर्ने विषयमा पनि छिमेकीलाई सोध्नुपर्छ भन्ने भनाइ नै पराधीन मानसिकताको उपज हो ।’