काठमाडौं । नेपाली युवा गायक दिवेश पोखरेल अर्थात आर्थर गनले अमेरिकन आइडलको यात्रामा दोस्रो उपाधि जितेका छन् ।

आइतबार राति (नेपाली समयअनुसार सोमबार बिहान) भएको फाइनलमा दिवेश पोखरेल १८ औं अमेरिकन आइडलमा दोस्रो घोषित भएका छन् । भने अमेरिकन आईडलको उपाधि जस्ट साम नामकी युवतीले जितिन् ।

अन्तिम प्रस्तुतिमा पोख्रेलले आई डन्ट वान्ट टु बी बोलको पहिलो गीत गाएका थिए । प्रस्तुतिपछि जज केटी पेरीले द बेष्ट भनी प्रतिक्रिया दिएकी थिइन् । दिवेश पोखरेल सन् २०१४ मा उच्च अध्ययनका लागि काठमाडौंबाट अमेरिका पुगेका थिए । आफ्नी दिदीसँगै अमेरिकाको क्यान्सस राज्यको विचिटा पुगेका दिवेशले संगीतलाई गम्भीरतापूर्वक लिन थालेको दुई वर्ष मात्र भयो ।