काठमाडौं । सरकारले लकडाउनलाई यथावत राखेको छ । प्रधानमन्त्री निवास बालुवाटारमा आज बसेको मन्त्रिपरिषद बैठकले लकडाउनलाई आगामी जेठ २० सम्म लम्ब्याउने निर्णय गरेको हो । सरकारले जेठ ५ सम्मका लागि गरेको लकडाउनको समयावधि सोमबार सकिँदै छ ।

पछिल्ला दिनमा कोरोना संक्रमितका बिरामीहरु धमाधम भेटिन थालेपछि सरकारले लकडाउनलाई निरन्तरता दिएको हो । हालसम्म नेपालमा कोरोना संक्रमणबाट २ जनाको मृत्यु भैसकेको छ । संक्रमितको संख्या २९५ पुगेको छ भने ३६ जना निको भएर घर फर्किएका छन । अन्य संक्रमितहरुको देशका विभिन्न अस्पतालमा उपचार भैरहेको छ ।

भाइरसको संक्रमणबाट बच्नका लागि सरकारले गत चैत ११ गतेदेखि लकडाउन गर्दै आएको छ ।