तीन जना संक्रमित थपिए, संक्रमित संख्या २९५

काठमाडौं । नेपालमा थप ३ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार थप ३ जनामा संक्रमण पुष्टि भएको हो । विपी कोइराला स्वास्थ्य विज्ञान प्रतिष्ठानमा गरिएको परीक्षणमा उनीहरुको रिपोर्ट पोजेटिभ देखिएको मन्त्रालयले जनाएको छ ।
संक्रमित हुनेहरुमा धनकुटा निवासी ३४ वर्षीय महिला, मोरङ, विराटनगर निवासी २९ वर्षीय महिला र सोही निवासी ३६ वर्षीय पुरुष रहेका छन । मन्त्रालयका अनुसार उनीहरुको स्वास्थ्य अवस्था सामान्य रहेको छ ।
यो सँगै नेपालमा कोरोना संक्रमितको संख्या २९५ पुगेको छ । भाइरसका कारण २ जनाको मृत्यु भैसकेको छ भने ३६ जना निको भएर घर फर्किएका छन । अन्य संक्रमितहरुको देशका विभिन्न अस्पतालमा उपचार भैरहेको छ ।
प्रतिक्रिया दिनुहोस्