काठमाडौं । नेपालमा कोरोना संक्रमणबाट थप एक जनाको मृत्यु भएको पुष्टि भएको छ ।

मृत्यु हुनेहरुमा सिन्धुपाल्चोक स्थायी घर भएकी २९ वर्षीय महिला र बाँके नरैनापुर गाउँपालिकाका २५ वर्षीय युवा रहेका छन । मृतक महिला र युवकको आरटिडी र पिसिआर दुबै रिपोर्ट पोजेटिभ आएको थियो ।

मृतक महिलालाई गत बैशाख २३ गते त्रिवि शिक्षण अस्पताल, महाराजगञ्जमा सुत्केरीका लागि भर्ना गरिएको थियो । उनको डेलिभरी भैसकेपछि बैशाख २५ गते उनलाई त्यहाँबाट डिस्चार्ज गरेर सिन्धुपाल्चोक लगिएको थियो । उनलाई ज्वरो, श्वासप्रश्वासमा समस्या भएपछि त्यहाँको स्थानीय अस्पतालमा उपचारका लागि भर्ना गरिएको थियो । उनको स्वास्थ्य अवस्थामा सुधार नआएपछि थप उपचारका लागि धुलिखेल अस्पतालमा रिफर गरिएको थियो । ती महिलालाई अस्पताल लैजादै गर्दा बाटोमै मृत्यु भएको थियो ।

ती युवा रोजगारीको लागि भारतको मुम्बई गएका थिए । उनी वैशाख ३० गते नेपाल आएका थिए । भारतबाट आएका उनलाई सिधै क्वारेन्टाइनमा राखिएको थियो । मृत्यु हुनुअघि आइतबार बिहान ४ बजेतिर उनले अचानक दुई पटक बान्ता गरेका थिए ।

यो सँगै नेपालमा कोरोना संक्रमणबाट मृत्यु हुनेको संख्या २ पुगेको छ । जसमा २९२ जनामा संक्रमण पुष्टि भएको छ भने ३६ जना निको भएर घर फर्किसकेका छन ।