सिमिकोट । राष्ट्रिय प्रजातन्त्र पार्टी हुम्लाद्वारा सिमा अतिक्रमणको बिरोधमा सदरमुकाम सिमिकोटमा शुक्रवार साँझ राँके जुलुस प्रदर्शन गरेको छ ।

जिल्ला अध्यक्ष सुमन रावत र विद्यार्थी नेता जैबिर रावतको नेतृत्वमा भएको प्रदर्शनमा बिदेशी हस्तक्षेप मुर्दाबाद, सिमा मिच्न पाईदैन, कालापानी,लिपुलेक,लिम्पियाधुरा हाम्रो हो,आत्मसमर्पणवाद मुर्दाबाद जस्ता नारा लगायका थिए ।

नेताहरुले कर्णाली क्षेत्रको आर्थिक बिकासमा अत्यन्तै प्रतिकुल असर पार्ने गरि षड्यन्त्र भैरहेको भन्दै शसक्त ढंगबाट प्रतिकार गर्न सिङ्गो देश जुरुक्कै उठ्नुपर्नेमा जोड दिए ।मातृभुमिको रक्षाको निमित्त देशभक्त जनता एकजुट हुनुपर्नेमा जोड दिदै नेपाल ल सरकारले उच्च मनोबलका साथ भारत सरकार समक्ष कुरा राख्नुपर्ने आबश्यकता औल्याए ।

बिदेशीको हेपाह प्रवृत्ति विरुद्ध सरकार खरो रुपमा नउत्रीए सरकार विरुद्ध नै आन्दोलनको तयारीमा जुट्ने समेत उनिहरुले चेतावनी दिए । कार्यक्रममा युबा विद्यार्थीहरुको सहभागीता रहेको राष्ट्रिय प्रजातान्त्रिक विद्यार्थी संगठनका महासचिव जनक फडेराले जानकारी दिए ।