काठमाडौं । बाँकेको नरैनापुर गाउँपालिकास्थित क्वारेन्टाइनमा बसेका १ युवकको मृत्यु भएको छ । गत बैशाख ३० मा भारतको मुम्बईबाट आएर क्वारेन्टाइनमा बसेका २५ वर्षीय युवकको स्वास्थ्य अवस्था असामान्य भएपछि बसेको क्वारेन्टाइनमै मृत्यु भएको हो । 

गाउँपालिका नरैनापुरका स्वास्थ्य शाखा संयोजक मोइन खानका अनुसार बिरामीलाई उपचारका लागि अस्पताल लैजान एम्बुलेन्स बोलाइए पनि एम्बुलेन्स पुग्नु अगावै युवककोे मृत्युु भएको थियो ।  क्वारेन्टाइनमा बसेका युवकको मृत्युले गाउँपालिकामा त्रासको स्थिति सिर्जना भएको छ ।

जिल्ला जनस्वास्थ्य कार्यालय बाँकेका फोकलपर्सन नरेश श्रेष्ठले रातीदेखि स्वास्थ्यमा समस्या देखिएकामा बिहान करिब ६ बजे युवकको मृत्यु भएको जानकारी दिए ।
कोरोना परीक्षणका लागि ती युवकको स्वाब हिजो नै संकलन गरिसकिएको छ र उनको परीक्षणको रिपोर्ट आज आउने बताइएको छ ।