काठमाडौं । आज मन्त्रिपरिषद बैठक बस्दै छ । प्रधानमन्त्री निवास बालुवाटारमा आज साँझ ५ बजे बैठक बोलाइएको छ । सरकारले गरेको लकडाउनको विषयमा छलफल गर्नका लागि आज मन्त्रिपरिषद बैठक बस्न लागेको हो । बैठकले लकडाउन लम्ब्याउने या हटाउने भन्ने विषयमा छलफल गर्ने बताइएको छ ।

पछिल्लो समय कोरोना भाइरसका संक्रमितहरुको संख्या निरन्तर बढिरहेका कारण आजको मन्त्रिपरिपषद बैठकले लकडाउन अझै थप्ने निश्चित जस्तै छ । जेठ ५ गतेसम्म थपिएको लकडाउनको समयावधि भोलि सकिदै छ । सरकारले लकडाउनको मोडालिटी कस्तो बनाउने भन्ने विषयमा सम्बन्धित क्षेत्रका विज्ञहरुसँग छलफल गरिसकेको छ ।

नेपालमा आइतबार बिहानसम्म २९१ जनामा कोरोना संक्रमण पुष्टि भएको छ । भाइरसबाट एकजनाको मृत्यु भएको पुष्टि भैसकेको छ भने ३६ जना निको भएर घर फर्किएका छन । अन्य संक्रमितहरुको देशका विभिन्न अस्पतालहरुमा उपचार भैरहेको छ ।