काठमाडौं । नेपालमा कोरोना भाइरसको संक्रमणबाट एकजनाको मृत्यु भएको पुष्टि भएको छ । मृत्यु हुनेमा सिन्धुपाल्चोक घर भएकी २९ वर्षीय एक महिला रहेकी छन ।

मृतक महिलालाई गत बैशाख २३ गते त्रिवि शिक्षण अस्पताल, महाराजगञ्जमा सुत्केरीका लागि भर्ना गरिएको थियो । उनको डेलिभरी भैसकेपछि बैशाख २५ गते उनलाई त्यहाँबाट डिस्चार्ज गरेर सिन्धुपाल्चोक लागिएको थियो । उनलाई ज्वरो, श्वासप्रश्वासमा समस्या भएपछि त्यहाँको स्थानीय अस्पतालमा उपचारका लागि भर्ना गरिएको थियो । उनको स्वास्थ्य अवस्थामा सुधार नआएपछि थप उपचारका लागि धुलिखेल अस्पतालमा रिफर गरिएको थियो ।

यो सँगै स्वास्थ्य तथा जनसंख्या मन्त्रालयले उनको मृत्यु कोरोना भाइरसको संक्रमणबाट भएको पुष्टि गरेको छ । नेपालमा यो कोरोना भाइरसबाट मृत्यु हुने यो पहिलो घटना हो ।