काठमाडौं । सत्तारुढ दल नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठले नेपालको भूमिप्रसति भारतीय सेनाले दिएको अभिव्यक्तिप्रति आपत्ति जनाएका छन । भारतीय सेनाले दिएको उक्त अभिव्यक्ति तत्काल सच्याउनुपर्ने पनि बतएका छन ।

भारतीय सेनाका प्रमुख जनरल मनोज नरवाणेले गत शुक्रबार नेपाली भूमि लिपुलेकबारे टिप्पणी गर्दै नेपाललाई कसैले उचालेर अनावश्यक रुपमा धारणा बनाइरहेको बताएका थिए । भारतीय सेनाको उक्त विवादास्पद अभिव्यक्तिप्रति श्रेष्ठले आपत्ति जनाएका छन । नेपाल सार्वभौम रुपमा स्वतन्त्र भएर अगाडि बढिरहेको पनि उनले बताएका छन । सामाजिक सञ्जाल टिवट्रमार्फत श्रेष्ठले उक्त धारणा सार्वजनिक गरेका हुन ।

‘उसले यसलाई सच्याउनुपर्छ,’ उनले भनेका छन् । कसैलाई नेपालको भूमि कब्जा गर्न र आन्तरिक मामिलामा हस्तक्षेप गर्न दिन नसकिने उनले बताएका छन्।

‘हाम्रो भूमिको रक्षा गर्न हामी प्रतिवद्ध छौं। हाम्रो पुर्खाले मातृभूमिलाई बचाए । उनीहरूप्रति वफादार भएर हामी भूमिको रक्षा गर्छौ,’ श्रेष्ठले भनेका छन् ।

उनले कूटनीतिक पहलबाट यस्ता समस्याहरु समाधान गर्नुपर्ने पनि जिकिर गरेका छन ।