नेपाल एयरलाइन्स जापानबाट २ जना नेपाली र एक राजदूत लिएर फर्कियो

काठमाडौं । नेपाल एयरलाइसले जापानमा रहेका २ जना नेपालीलाई सशर्त नेपाल ल्याएको छ । शुक्रबार जापानको लागि उडान गरेको नेपाल एयरलाइन्सले शनिबार २ नेपालीसहित नेपालका लागि जापानका राजदूतलाई ल्याएको अध्यागमन विभागले जनाएको छ ।
शनिबार नेपाल आउने २ जनामा गृह मन्त्रालयका १ र परराष्ट्र मन्त्रालयका १ जना रहेका छन् । तालिमका लागि जापानमा रहेका उनीहरुलाई परराष्ट्र र गृह मन्त्रालयको अनुमतिमा नेपाल ल्याइएको हो ।
सशर्त नेपाल ल्याइएका उनीहरुलाई केही दिनसम्म क्वारेन्टाइनमा राखिने जनाइएको छ ।
शुक्रबार जापानिज दूतावासले जापानको लागि नेपाल एयरलाइन्सको चार्टर उडान गरेका थिए । सोही जहाजमा जापानीज राजदूत मासामिची साइगोलाई नेपाल ल्याइएको हो ।
प्रतिक्रिया दिनुहोस्