विराटनगर । विराटनगरमा १४ वर्षीय बालिकालाई बलात्कार गरेको आरोपमा एकजना पक्राउ परेका छन ।
विराटनगर महानगरपालिका वडा नम्बर ४ इक्राहीका २४ वर्षीय वीरेन गडेरी (पाल) बलात्कार आरोपमा पक्राउ परेका हुन । उनलाई जिल्ला प्रहरी कार्यालय मोरङको प्रहरी टोलीले शनिबार बिहान पक्राउ गरेको हो ।

प्रहरीका प्रवक्ता तथा डीएसपी मानबहादुर राईले विराटनगर–४ की १४ वर्षीया बालिकालाई जर्बजस्ती गरेको अभियोगमा जबर्जस्ती करणी मुद्दा चलाउन अनुसन्धान सुरु गरिएको बताएका छन् । गडेरीले घर नजिकै एक जना साथीसँग १४ वर्षीया बालिका बिहान ५ः३० बजेतिर हिँडिरहेको अवस्थामा नियन्त्रणमा लिई मकैबारीमा पु¥याएर बलात्कार गरेको प्रहरीको भनाइ छ ।

आफुसँगै रहेकी उसलाई काँधमा राखेर लगिएको उनीसँगै रहेकी एक बालिकाले त्यहाँका स्थानीयलाई जानकारी गराएकी थिइन । घटनास्थलमा मुचुल्का उठाउन गएको प्रहरीलाई अवरोध सिर्जना भएको बताइएको छ ।