काठमाडौं । कोरोना भाइरस (कोभिड–१९) परीक्षणका क्रममा आरडीटी पोजेटिभ देखिएकी २९ वर्षीया महिलाको धुलिखेल अस्पतालमा मृत्यु भएको छ  । टिचिङ अस्पतालबाट रिफर गरी थप उपचाररत ती महिला सुत्केरी रहेको समेत बताइएको छ । 

धुलिखेल अस्पतालले मृत्युबारे स्वास्थ्य मन्त्रालयमा जानकारी गराइसकेको जनाएको छ । मृत्यु भएपछि अस्पतालले उनको स्वाब पुनः परीक्षणका लागि टेकु अस्पताल पठाइएको जनाएको छ । अस्पतालका अनुसार ती महिलामा कोरोना पोजेटिभ भए÷नभएको यकिन भएको छैन । 

ती महिला सिन्धुपाल्चोककी भएको खुल्न आएको छ । उनको मृत्युलगत्तै जिल्ला प्रशासन कार्यालय धुलिखेलमा कोरोना नियन्त्रण कमाण्डको आकस्मिक बैठक बसिरहेको छ ।