काठमाडौं । नेपाली सेनाले शनिबार १० ट्रक स्वास्थ्य सामग्री ल्याएको छ । तातोपानी नाकाबाट १० ट्रक सामान लिएर काठमाडौंतर्फ हिडेको भन्सार विभागले जनाएको छ ।
भन्सार विभाग स्रोतका अनुसार सेनाले ल्याएको सामानमा १२ हजार डिस्पोजेबल गाउन रहेका छन् भने २७ हजार पीपीई रहेका छन् । 

स्वास्थ्य सामग्रीमा अनियमितता भएको कुरा बाहिर आएपछि त्यसको चौतर्फी विरोध भएको थियो । त्यसपछि सरकारले जीटुजी प्रक्रियाबाट सामान खरिद गर्ने निर्णय गरेको थियो । फेरी सरकारले यसको जिम्मा नेपाली सेनालाई हस्तान्तरण गरेको थियो ।
पछिल्लो समय नेपालमा कोरोना संक्रमणको जोखिम बढदै गएकाले सरकारले स्वास्थ्य सामग्री खरिदमा विशेष प्राथमिकता दिएको छ ।