आज ६ जना संक्रमित थपिए, संक्रमित संख्या २७३ पुग्यो

काठमाडौं । नेपालमा आज थप ६ जनामा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा थप ६ जनामा कोरोना संक्रमण पुष्टि भएको हो ।
नयाँ संक्रमित बर्दिया नार्खु–११ की २८ वषीया महिला, सिरहा सखुवा–१९ का ३० वषीय पुरुष, पर्सा वीरगञ्ज–१२ निवासी २८, २९ वर्षीय पुरुष, सर्लाही रामपुर–४ की १८ वर्षीया किशोरी, चितवन गडौली–१ निवासी २५ वर्षीया महिला रहेकी स्वास्थ्य तथा जनसंख्या मन्त्रालयका सहप्रवक्ता डा। समिरकुमार अधिकारीले जानकारी दिए ।
संक्रमितहरुको स्वास्थ्य अवस्था सामान्य रहेको स्वास्थ्य मन्त्रालयले जानकारी दिएको छ । यो सँगै नेपालमा कोरोना संक्रमितको संख्या २७३ पुगेको छ । जसमा ३६ जना निको भएर घर फर्किसकेका छन ।
प्रतिक्रिया दिनुहोस्