काठमाडौं । पछिल्लो २४ घण्टामा ९९ हजार ७३ कोरोना भाइरसका संक्रमित थपिएका छन् भने विश्वभर ५ हजार ४९ कोरोना संक्रमितको मृत्यु भएको छ । जसमा अमेरिकामा सबैभन्दा बढी १ हजार ५७२ जनाको मृत्यु भएको छ ।

संक्रमित हुनेहरुमा सबैभन्दा धेरै अमेरिकामा रहेका छन । जसमा २६ हजार ३६८, रुसमा १० हजार ५९८, ब्राजिलमा १५ हजार ३०५ तथा बेलायतमा ३ हजार ५६० कोरोना संक्रमित थपिएका छन् । ब्राजिलमा पछिल्लो २४ घण्टामा ८२४, बेलायतमा ३८४, इटलीमा २४२, इक्वेडरमा २५६, मेक्सिकोमा २५७ जनाको ज्यान गएको छ ।

हालसम्म संक्रमित मध्ये १७ लाख ५५ हजार १२ जना निको भएर घर फर्किसकेका छन् । २५ लाख ५७ हजार ९३९ संक्रमितको उपचार भइरहेको छ । यसमध्ये ४५ हजारको स्वास्थ्य अवस्था गम्भीर रहेको छ ।

हालसम्म विश्वभरमा ४६ लाख २८ हजारभन्दा बढी संक्रमित थपिएका छन भने ३ लाख ८ हजार १३१ कोरोना संक्रमितको ज्यान गइसकेको छ ।