काठमाडौं । भोलिदेखि काठमाडौं उपत्यकामा लकडाउन थप कडा गर्ने निर्णय गरिएको छ । जिल्ला प्रशासन कार्यालयले कोरोना भाइरस (कोभिड–१९) को संक्रमण रोकथाम र नियन्त्रणलाई थप प्रभावकारी बनाउने उद्देश्यले ३ जेठबाट लागू हुने गरी लकडाउनमा कडाइ गर्ने निर्णय गरेको हो । 

शुक्रबार बसेको जिल्ला सुरक्षा समिति काठमाडौंको बैठकले अत्यावश्यक सेवा बाहेक पासबिनाका सवारी र पैदल यात्रुहरुलाई प्रवेशमा रोक लागाइएको हो ।
काठमाडौंका मूल सडक, भित्री सडक र गल्लीहरुमा विभिन्न बहानामा मानिसहरुको भीड भएको भन्दै जिल्ला प्रशासन कार्यालयले थप कडाइ गरेको हो । सडकमा अनावश्यक हिडेको देखिए र पासबिनाका सवारी साधन गुडेको देखिए कारवाही गरिने प्रशासनले जानकारी दिएको छ ।

यसअघि कार्यालयले जारी गरेका पासहरु खारेज गरेको पनि जानकारी दिएको छ ।