काठमाडौं । सामाजिक सञ्जालमा प्रधानमन्त्री केपी शर्मा ओली लगायतका विशिष्ट व्यक्तिहरुको फोटो प्रदर्शन गर्ने एक जनालाई प्रहरीले पक्राउ गरेको छ । पक्राउ पर्नेमा सिन्धुली जिल्ला तिनपाटन गाउँपालिका वडा नं १ बेलघारी घर भएका २२ वर्षीय मधु पौडेल भन्ने तोरणराज पौडेल रहेका छन । उनलाई विद्युतीय कारोबार ऐन–२०६३ विपरीत काम गरेकोमा पक्राउ गरिएको हो ।

‘विद्युतीय कारोबार ऐन–२०६३ विपरित सामाजिक सञ्जालमा प्रधानमन्त्री लगायतका अन्य विशिष्ठ व्यक्तिहरुको फोटो परिवर्तन गरी सार्वजनिक नैतिकता, शिष्टाचार विरुद्धको सामग्री प्रकाशन गरी घृणा,द्धेश फैलाउने उद्देश्यले विद्युतीय स्वरुपमा गैर कानुनी कुरा प्रकाशन गर्ने गरिएकोले उनलाई पक्राउ गरिएको छ ।’ प्रहरी प्रधान कार्यालय (साइबर ब्यूरो) द्धारा जारी विज्ञप्तिमा उल्लेख गरिएको छ । उनका लागि प्रहरीले थप अनुसन्धान गरिरहेको छ ।