काठमाडौँ। विश्व कोरोनाले आक्रान्त बनेको छ। हाम्रो देश पनि कोरोनाको महामारीबाट बच्न लामो समय देखि लकडाउनमा छ । विश्वभर मानवीय जोखिम भैरहदा छिमेकी राष्ट्रको मिचाहा प्रवृत्ति देखिएको छ। बिगत लामो समयदेखी सिमा समस्या समधान नभएको बारे र झन भारतले नेपाली भुभाग लिपुलेकमा सडक बनाएर उद्घाटन गरेपछि बिभन्न जिल्लामा राष्ट्रिय प्रजातन्त्र पार्टीका भातृ संगठनहरुले सडक आन्दोलन गरिरहेका छन। तर राप्रपा र राप्रपा(संयुक्त)को एकता पछि भातृ संगठनहरुको एकीकरण नभएका कारण अहिले पार्टीका भातृ संगठनहरुबिच तिक्तता आएको छ ।

यसै सन्दर्भमा राप्रपाका भातृ संगठनहरुले गरेको आन्दोलनहरुलाइ एकलौटी ढंगले चलाएको भन्दै पुर्व राप्रपा (संयुक्त)का भातृ संगठनहरुले संयुक्त रुपमा विज्ञप्ति निकालेपछी राप्रविसं का महासचिब जनक फडेराले आक्रोश पोखेका छन । उनले भनेका छन् ‘अहिले पार्टीको एकता भएपनी जनवर्गीय संगठनहरुको एकता नभएका कारण आपत्ति जनाउनु पर्ने कुनै कारण छैन। सबै संगठनको आफ्नै अस्तित्व रहेको छ , फेरि राष्ट्रियताको सवाल र राष्ट्रको पक्षमा बोल्दा कसैको निर्देशन कुर्नु पर्ने र कसैलाई पर्खनु पर्ने जरुरी छैन।’

महासचिब फडेराले हाम्रो सगंठनहरुले जस्तै जनताका पक्षमा कार्य गर्न,कोरोना जस्तो महामारीका समयमा , निमुखाको पक्षमा काम गर्न , अफ्ठ्यारोमा परेका हरुलाई राहत बाड्न , जनमुखी काम गर्न, राष्ट्र र राष्ट्रियताका मुद्दामा सड्कमा निस्कन पुर्व राप्रपा (संयुक्त) का भातृ संगठनहरुलाई चुनौती समेत दिएका छन। उनले फेसबुके राजनीतिले राष्ट्रवादी भइदैन, पार्टी संगठन बलियो हुदैन भनि फेसबुकमा राजनीति गर्न छोडेर राष्ट्र, जनता ,पार्टी संगठनका पक्षमा काम गर्न सुझाव दिएका छन । उनले आफुहरुलाई कुनै नेताले पनि सडकमा जान सल्लाह नदिएको बताएका छन् । उनले भने राष्ट्र राष्ट्रियता कमजोर हुदा ,हरेक नेपालिलाई समस्या पर्दा राष्ट्र राष्ट्रियता,र जनताको पक्षमा उभिनु सबै नेपाली को कर्तब्य हो , हरेक पार्टी , संगठन को दाइत्व पनि हो। उनले राष्ट्रिय प्रजातान्त्रिक विद्यार्थी संगठन हामिहरुको संगठनको आधिकारिक नाम भएको पनि बताएका छन्।