काठमाडौँ। एनसेलले विद्यार्थी लक्षित डेटा प्याक ल्याएको छ। एनसेलले त्रिभुवन विश्वविद्यालयसँग सहकार्य गरी अनलाइन क्लास लिने विद्यार्थीहरुको लागि यो प्याकेज ल्याएको हो।

लकडाउनले गर्दा घरमा बसिरहेका र उनीहरुको अनलाइन शिक्षाका लागि इन्टरनेट सेवाको आवश्यकतालाई ध्यानमा राखी एनसेलले १६ जिबी डेटा भोलुम रहेको यो प्याक वैशाख ३१बाट संञ्चालनमा ल्याएको जानकारी दिएको छ।

यसमा विद्यार्थीले १५० कर सहित १९१.५४० रुपैयाँ मा यो प्याक सुचारु गर्न सक्छन् । प्याक सात दिनमात्र कायम हुने छ। मोबाइल क्लास प्याक अन्तर्गत विद्यार्थीहरुले ४ जिबी अल टाइम डेटा ९थ्रिजी, फोरजी र २ जिबी भिडियो डेटा पनि पाउने छन्।

विद्यार्थीले यो ४ जिबीको अल टाइम डेटा प्याक कुनै पनि नेटवर्कमा प्रयोग गर्न सक्नेछन् भने २ जिबी भिडियो प्याक अन्तर्गत विद्यार्थीले युट्युब, आइफिल्क्स र अन्य गुगल सर्भिसहरु प्रयोग गर्न सक्नेछन् । यसमा माइक्रोसफ्ट टिम्स् प्रयोग गर्नका लागि १० जिबी डेटा रहेको छ । विद्यार्थीहरुले माइक्रोसफ्ट टिम्स् मार्फत शिक्षकसँग अनलाइन शिक्षा लिन वा आफ्ना साथीहरुसँग समुहमा बसी अभ्ययन गर्न सक्छन् ।

विद्यार्थीहरुले ८१७१२३८२०३ डायल गरी वा अंग्रेजीको सानो अक्षरमा भमग टाइप गरी १७१२३ मा एसएमएस पठाई यो प्याक सुचारु गर्न सक्छन् । साथै एनसेल एपबाट पनि यो प्याक लिन सकिने कम्पनीले जानकारी दिएको छ।