कोरोनाभाइरस संसारबाट ‘कहिले पनि नहराउन सक्ने’ विश्व स्वास्थ्य सङ्गठन, डब्ल्यूएचओले बताएको छ।

डब्ल्यूएचओका आपत्‌कालीनमामिला निर्देशक डा. माइक राएनले बुधवार कोरोनाभाइरस कहिले हराएर जाला भन्ने विषयमा हचुवाकोभरमा कुनै पनि अनुमान गर्न नहुने बताएका छन्।

उनले खोप बनेपछि पनि कोरोनाभाइरसलाई नियन्त्रण गर्न ‘निकै ठूलो प्रयत्न’ आवश्यक पर्ने बताए।

डा. राएनले इन्टरनेट मार्फत गरीएको एक ‘भर्चुअल प्रेस सम्मेलन’ मा भने, “यो कुरा थाहा हुनु जरुरी छ: कोरोनाभाइरस हाम्रो समुदायहरूमा सँधै नै रहिरहने अर्को भाइरस बन्न सक्छ र यो कहिल्यै नहराउन पनि सक्छ।” बीबीसी