काठमाडौं ।महाराजगञ्जस्थित त्रिवि शिक्षण अस्पतालमा ७ दिन अगाडि भर्ना भएकी बालिकामा कोरोना संक्रमण पुष्टि भएको छ ।

मन्त्रालयले बिहीवार निकालेको सूचनामा कोरोना संक्रमण पुष्टि भएकी ६ वर्षीया बालिका टिचिङ अस्पताल महाराजगञ्जको न्युरो सर्जरी वार्डमा उपचाररत भएको पाइएको हो ।

राष्ट्रिय जनस्वास्थ्य प्रयोगशाला काठमाडौंमा गरिएको परिक्षणका क्रममा कपिलवस्तुकी ति बालिकामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

न्युरो सर्जरी वार्डमा ६ बर्षिया बालिकामा कोरोना संक्रमण पुष्टि भएको अस्पताल स्रोतले जनाएको हो।
अस्पताल बालिका रहेको वार्ड सिल गर्ने तयारीमा जुटेको छ ।