काठमाडौं । सरकारले कोरोना भाइरसको संक्रमण बढेपछि लकडाउनमा कडाइ गर्ने निर्णय गरेको छ । कोरोना भाइरसको संक्रमणको जोखिमलाई मध्यनजर गर्दै लकडानमा अत्यधिक कडाइ गर्ने लागिएको हो । केह दिन यता देखि कोरोनाको जोखिम तिब्र रुपमा बढ्दै गएपछि सरकार लकडाउनको निति कडा बनाएको हो ।

गृहमन्त्रालयले एक सूचना नै जारी गरेर यसअघि वितरण गरिएका सबै किसिमका सवारी पास रद्द गरेको छ । अब पुरानो पास लिएर चल्ने सबैलाई कारबाही गर्ने चेतावनी गृहमन्त्रालयले दिएको छ । बिहीबारबाट एक जिल्लाबाट अर्को जिल्ला जान समेत सम्बन्धित जिल्लाका प्रमुख जिल्ला अधिकारी बाट अनुमति लिनुपर्नेछ । काठमाडौ उपत्यकाको हकमा एकै जिल्ला सरहको व्यबहार हुने समेत जनाइएको छ ।

पास विना सञ्चालन गर्न पाउने सवारीसाधन
एम्बुलेन्स, शवबाहन र दमकल
यसैगरी झण्डावाल सवारी, कुटनीतिक उन्मुक्ति तथा सुविधा प्राप्त नियोग, व्यक्ति तथा संघ संस्थाहरु प्रेस काउन्सिलबाट जारी भएको प्रेस पास प्राप्त सञ्चारकर्मीहरु
स्वास्थ्य सेवामा खटिएका चिकित्सक, नर्स, फार्मासिस्ट प्रयोगशालामा कार्यरत प्राविधिक, अस्पतालमा कार्यरत अन्य कर्मचारीहरु, औषधी उत्पादन ढुवानी र विक्री वितरणमा संलग्न हुने जनशक्तिहरु
खानेपानीको मर्मत सम्भार र वितरणमा संलगन जनशक्ति
फोहोरमैला व्यवस्थापनमा परिचालित जनशक्ति
ठूला खाद्य स्टोरमा कार्यरत जनशक्ति
अत्यावश्यक वस्तु तथा ढुवानी गर्ने मालबाहक सवारी साधनहरु