काठमाडौं । नेपालमा आज थप ५ जनामा कोरोना संक्रमण पूष्टि भएको छ ।
राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा सर्लाही धान्कौल नगरपालिकाका ४५ वर्षीय पुरुष, धनुषाको जनकपुर नगरपालिकाका ४० वर्षीय पुरुष, मिथिला नगरपालिकाकी २० वर्षीया महिला, महोत्तरी जलेश्वर नगरपालिकाका १६ वर्षीय र बलवा नगरपालिकाका ३५ वर्षीय पुरुषमा कोरोना पूष्टि भएको हो ।

संक्रमित सबैको स्वास्थ्य अवस्था सामान्य रहेको स्वास्थ्य मन्त्रालयले जानकारी दिएको छ ।

यो सँगै नेपालमा कोरोना संक्रमितको संख्या २५० पुगेको छ भने ३५ जना निको भएर घर फर्किसकेका छन ।