२४ जनामा कोरोना पुष्टि, संक्रमित संख्या २४३ पुग्यो

काठमाडौं । नेपालमा थप २४ जनामा कोरोना संक्रमण पूष्टि भएको छ ।
आज राष्ट्रिय जनस्वास्थ्य प्रयोगशाला काठमाडौं र प्रादेशिक प्रयोगशाला रुपन्देहीमा गरिएको परीक्षणमा २४ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
नयाँ संक्रमितहरूमा रुपन्देहीका १२, कपिलवस्तुका ८, पर्साका ३ र नवलपरासीका १ जनामा कोरोना पुष्टि भएको स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले जानकारी दिए ।
यसअघि आज नै कपिलवस्तु र बाँकेका १÷१ जनामा कोरोना पुष्टि भएको थियो । योसँगै नेपालमा कोरोना संक्रमितको संख्या २ सय ४३ पुगेको छ ।
प्रतिक्रिया दिनुहोस्