काठमाडौं । गुल्मी प्रवेश गर्ने सबै नाका पूर्ण रुपमा बन्द गरिएको छ ।

आज बसेको जिल्ला कोभिड संकट व्यवस्थापन केन्द्र र जिल्ला सुरक्षा समितिको बैठकले गुल्मीका सबै नाका पूर्ण रुपमा बन्द गर्ने निर्णय गरेको प्रमुख जिल्ला अधिकारी भरत कुमार शर्माले जानाकारी दिए । जेठ १ गते देखि जेठ ५ गते मध्यरातिसम्म नाका सिल गरिएको उनले बताए । कोरोना भाइरसको संक्रमणबाट बच्नका लागि जिल्लाका सबै नाका बन्द गर्ने निर्णय प्रशासनले गरेको हो ।

योसँगै अत्यावश्यक सेवा र सरकारले दिएको पासबाहेका अन्य सेवा पूर्ण रुपमा बन्द हुनेछन र नागरिक पाल्पा, अर्घाखाँची, बागलुङ र प्युठानका नाकाबाट आवातजावत गर्न पाउने छैनन् ।