काठमाडौं । कोरोना भाइरसको महामारीबाट बच्न नेपालका लागि छिमेकी देश चीनबाट १ लाख १६ हजार ९ सय ८४ पीस मेडिकल सामग्री आएका छन् । बुधबार चीनको विमान कम्पनी चाइना एयर फोर्सले यी मेडिकल सामाग्री ल्याएको हो ।

चीनियाँ दूतावासले चार्टर गरेर ल्याएको सामानमा १३ किसिमका ३ सय ९१ बक्स स्वास्थ्य सामग्रीहरू रहेको दूतावासले जानकारी दिएको छ ।

पछिल्लो समय नेपालमा दिनदिनै भाइरसका संक्रमितहरु बढिरहेका छन । भाइरसको परीक्षणको दायरालाई बढाउनका लागि स्वास्थ्य सामग्रीहरुको मौज्दात राख्न थालिएको छ । स्वास्थ्य सामग्रीको खरिद गर्ने जिम्मा नेपाली सेनालाई दिइएको छ ।