काडमाडौं । लकडाउनपछि त्रिभुवन अन्तराष्ट्रिय विमानस्थलमा ठूलो विमान अवतरण गरेको छ । नेपाली सेनाका लागि स्वास्थ्य सामग्री लिएर आएको उक्त विमान चीनबाट आएको बताइएको छ ।

नेपाली सेनाका लागि चीनियाँ जनमुक्ति सेनाले मेडिकल सामग्री ल्याएको बताइएको छ । विमानस्थलमा विमान अवतरणका क्रममा पर्यटनमन्त्री योगेश भट्टराई पनि त्यहाँ पुगेका थिए तर उनी विमानस्थलको अवलोकनमा गएको बताइएको छ ।

विमानस्थल कर्मचारीका अनुसार चाइना एयरफोर्स–१३ चिनियाँ एम्वेसी लेखेको जहाजले मेडिकल सामग्री ल्याएको हो । उक्त जहाज अहिले फर्किसकेको छ ।

धेरैदिनपछि आज नेपाली अकाशमा नेपाली सेनाका हेलिकोप्टर उडेका छन् । बिहान शसस्त्र प्रहरीको टोली लिएर सेनाको हेलिकोप्टर कालापानी गएको छ भने जिल्ला जिल्लामा मेडिकल सामग्री पुर्याउन हेलिकोप्टर उडानका लागि अनुमति दिइएको नागरिक उड्ययन प्राधिकरणले जनाएको छ ।