भक्तपुर । भक्तपुरमा मंगलबार २ जनामा कोरोना पुष्टि भएको छ। कोरोना संक्रमित भेटिएका दुई ठाउँलाई प्रहरीले सिल गरेको छ । पुरुष कोरोना संक्रमित बस्ने दुवाकोट र महिला संक्रमित बस्ने मध्यपुर थिमि नगरपालिका, शंखधर चोकनजिकैलाई सिल गरिएको हो ।

भक्तपुरमा कार्यरत ती नर्स सुनसरीबाट आएर साथीको कोठामा बसेकी थिइन् । साथी पनि भक्तपुरकै स्वास्थ्य संस्थामा कार्यरत नर्स हुन् । साथीको कोठामा बसेकै बेलामा उनमा संक्रमण पुष्टि भएको हो । दुवाकोटका संक्रमित पुरुष सशस्त्र प्रहरी रहेको खुलेको छ । दुवै जनाको कन्ट्याक्ट ट्रेसिङको काम सुरु गरिएको छ ।