उपत्यकामा ३ जना सहित थप २६ जनामा कोरोना पुष्टि, संक्रमित संख्या २१७

काठमाडौं । उपत्यकामा ३ जना सहित थप २६ जनामा कोरोना पुष्टि भएको छ । स्वास्थ्य तथा जनसङ्ख्या मन्त्रालयले मंगलवार राती जारी गरेको प्रेस विज्ञप्तीमा थप नयाँ २६ जनाको परीक्षणमा कोरोनाभाइरस सङ्क्रमण पुष्टि भएको जनाइएको छ।
भक्तपुर निवासी २५ वर्षे महिला र २७ वर्षे पुरुष, काठमाडौंमा ३३ वर्षे महिला समेतमा कोरोना देखिएको हो ।
यो सँगै मंगलवारसम्म नेपालमा कोरोनाभाइरस सङ्क्रमण देखिएकाहरूको सङ्ख्या २१७ पुगेको मन्त्रालयले जनाएको छ।
मंगलबार बिहान मात्रै नेपालमा ५७ जनामा कोरोना पुष्टि भएको थियो । योसँगै नेपालमा कोरोना संक्रमितको संख्या २ सय १७ पुगेको छ ।
स्वास्थ्य तथा जनसङ्ख्या मन्त्रालयका सह प्रवक्ता समीर कुमार अधिकारिका अनुसार अहिले देशभरि १२,७८५ जना क्वारन्टीनमा र २२८ जना आइसोलेशनमा छन्।
आइसोलेशनमा भएका व्यक्तिमध्ये १५८ जना पुष्टि भएका सङ्क्रमित भएको उनले जानकारी दिए।
मन्त्रालयको तथ्याङ्कमा मङ्गलवार अपराह्णसम्म पीसीआर विधिवाट १८,९६४ वटा परीक्षण भएको देखिन्छ।
हेर्नुस् बिज्ञप्ति

प्रतिक्रिया दिनुहोस्