बर्दियाकी संक्रमितलाई आइसोलेसनमा लगिएन, अझैसम्म क्वारेन्टाइनमै
![](https://newsnamastee.com/wp-content/uploads/2020/09/f722900a-94b3-3672-a1aa-03218c88ea36.jpg)
बर्दिया । जिल्लाको राजापुर नगरपालिका–५ मा कोरोना संक्रमण पुष्टि भएकी एक बालिकालाई उपचारका लागि अझैसम्म पनि आइसोलेसनमा राखिएको छैन ।
उनलाई सोमबार नै कोरोना संक्रमण भएको पुष्टि भैसकेको थियो तरपनि उनलाई क्वारेन्टाइनमा नै राखिएको छ ।
भाइरस संक्रमण पूष्टि भैसकेपछि संक्रमितलाई उपचारका लागि आइसोलेसनमा राख्नुपर्ने भएपनि बाँकेको खजुरास्थित क्यान्सर अस्पतालमा बनाइएको कोरोना विशेष अस्पतालमा प्राविधिक तयारी नपुगेको भन्दै अझै क्वारेन्टाइनमा नै राखिएको छ ।
उता प्रमुख जिल्ला अधिकारी प्रमलाल लामिछानेले संक्रमित ती बालिकालाई तत्काल अस्पतालमा राख्ने जानकारी दिएका छन । हाल नेपालमा कोरोना संक्रमित १९१ पुगिसकेका छन भने ३३ जना निको भएर घर फर्किएका छन । आजमात्रै देशका विभिन्न ठाउँमा ५७ जना संक्रमित फेला परेका छन ।
प्रतिक्रिया दिनुहोस्