काठमाडौं । डा. गोविन्द केसी बिरामीलाई नि:शुल्क सेवा प्रदान गर्न सोमबार बैतडी पुगेका छन । विगत दुइ महिनादेखि सुदुरपश्चिमका पहाडी जिल्लाहरुमा नि:शुल्क सेवा दिदै आएका केसी सोमबार साँझ बैतडी पुगेका हुन ।

उनी बैतडीमा दुइ दिनसम्म बिरामीको उपचारका लागि खटिनेछन । उपचारका क्रममा उनले विशेषगरी हाडजोर्नीका बिरामीहरुलाई चेकजाँच गर्नेछन । जिल्ला अस्पताल बैतडीका प्रमुख डाक्टर बशन्तराज जोशीका अनुसार दुई दिन बैतडीमा बसेपछी उनी दार्चुला जाने कार्यक्रम रहेको छ ।

यसअघि डा. केसीले चार दिन बझाङ जिल्ला अस्पतालमा सेवा दिएका थिए । फागुन २० गतेदेखि वैशाख २५ गतेसम्म डाक्टर केसीले डडेल्धुरा अस्पतालमा नि:शुल्क सेवा दिएका थिए ।

उनी चिकित्सा क्षेत्रमा सुधारका लागि निरन्तर लागिरहेका छन । यसका लागि उनी पटकपटक अनसन पनि बस्दै आइरहेका छन । चिकित्सा क्षेत्रमा रहेको बेतिथिलाई हटाउनुपर्ने उनको माग छ ।