काठमाडौँ । चीनको वुहानबाट सुरु भएको कोरोना भाइरसको प्रकोप यतिबेला संसारभर फैलिसकेको छ। हालसम्म कोरोना भाइरसको महामारीबाट संसारभर झण्डै ४२ लाख मानिसहरु संक्रमित बनेका छन् भने २ लाख ८४ हजारभन्दा बढीको मृत्यु भइसकेको छ।

अमेरिकामा मात्रै हालसम्म झण्डै १३ लाख ६८ हजार मानिसहरु संक्रमित बनेका छन् भने ८० हजारभन्दा बढीको कोरोनाबाट मृत्यु भइसकेको छ।

कोरोनाको विश्वव्यापी प्रकोपकाबीच आशाको संकेत पनि देखिएको छ। हालसम्म विश्वभर १५ लाखभन्दा बढी मानिसहरु कोरोनालाई जितेर घर फर्किएका छन्। यद्यपि कतिपय मानिसहरुमा भने संक्रमण निको भइसकेपछि पनि पुनः कोरोनाको संक्रमण देखिएको छ।