धनगढी । सुदूरपश्चिम प्रदेशमा कोरोना आशंकामा विभिन्न अस्पतालमा भर्ना भएका १२९ जना संक्रमित डिस्चार्ज भएर घर फर्किएका छन । जसमा सेती प्रादेशिक अस्पतालबाट ५ जना र प्रदेशभरीका १५ वटा अस्पतालबाट अहिले सम्म एक सय २९ जना बिरामी डिस्चार्ज भएका हुन् ।

सेती प्रादेशिक अस्पतालबाट अहिले सम्म ४९ जना, बयलपाटा अस्पताल अछाम र डडेल्धुरा अस्पतालबाठ १४/१४ जना डिस्चार्ज भएका छन् । यस्तै जिल्ला अस्पताल अछामबाट ११ जना डिस्चार्ज भएका छन् । प्रदेश स्वास्थ्य निर्देशनालय डोटीका अनुसार महाकाली अस्पतालबाट ८, जिल्ला अस्पताल डोटीबाट ६, जिल्ला अस्पताल बैतडी र गोकुलेश्वर अस्पतालबाट ५/५, जिल्ला अस्पताल बाजुरा र भजनी स्वास्थ्य केन्द्राबाट ४/४, चौमला स्वास्थ्य केन्द्रबाट ३, टीकापुर र जोगबुढा अस्पतालबाट २÷२, जिल्ला अस्पताल बझाङ र कोल्टी स्वास्थ्य केन्द्रबाट १/१ जना शंकास्पद बिरामी डिस्चार्ज भएका हुन् ।

उनीहरुलाई कोरोनाको आशंकामा अस्पतालको आईसोलेसमा राखिएको तर परीक्षण रिपोर्ट नेगेटिभ आएपछि डिस्चार्ज गरिएको निर्देशनलयले जनाएको छ । अहिले सुदूरपश्चिमका विभिन्न अस्पतालमा एक सय ६३ शैयाको आईसोलेसन स्थापना भएकोमा सबै आईसोलेसन खाली रहेका छन् । निर्देशनालयका अनुसार कोरोना आशंकामा कसैलाई पनि अहिले आईसोलेसनमा भर्ना गरिएको छैन् ।

यस्तै सुदूरपश्चिम प्रदेशमा ५ जनामा कोरोना पुष्टि भएकोमा पाँचै जना डिस्चार्ज भएर घर फर्किसकेका छन ।