सप्तरीमा १ जनामा कोरोना पुष्टि, संक्रमित संख्या १२१ पुग्यो

काठमाडौं । नेपालमा कोरोना भाइरसका संक्रमित संख्या १२१ पुगेको छ । सोमबार दिउँसो थप १ जनामा कोरोना भाइरस संक्रमण पुष्टि भएको हो । यसअघि सोमबार बिहान मात्रै १० जनामा कोरोना संक्रमण पुष्टि भएको थियो ।
स्वास्थ्य मन्त्रालयले सप्तरीका १ जनामा कोरोना संक्रमण देखिएको पुष्टि गरेको हो । बीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा एक जनामा कोरोना पुष्टि भएको हो ।
मन्त्रालयले सोमबार दिउँसो एक विज्ञप्ति जारी गर्दै सप्तरी डाक्नेश्वोरी नगरपालिका–३ निवासी १८ वर्षीय पुरुषमा कोरोना देखिएको जनाएको छ । उनी स्वास्थ्य कर्मीको सम्पर्कमा रहेको र स्वास्थ्य अवस्था पनि सामान्य रहेको मन्त्रालयका सहप्रवक्ता समीरकुमार अधिकारीले जानकारी दिए ।

नेपालमा अहिलेसम्म ३३ जना कोरोनाको संक्रमणबाट डिस्चार्ज भएर घर फर्किएका छन भने अन्यको देशका विभिन्न अस्पतालमा उपचार भैरहेको छ ।
प्रतिक्रिया दिनुहोस्