काठमाडौँ । राष्ट्रिय प्रजातन्त्र पार्टी (राप्रपा)ले आइतवार एक वक्तव्य जारी गर्दै लिम्पियाधुरा, कालापानी र लिपुलेक क्षेत्रका विषयमा राष्ट्रिय सहमतिको आधारमा भावि रणनीति तयार गर्न सरकारलाई सर्वदलीय बैठक बोलाउन माग गरेको हो।

यस्तै राप्रपाले नेपालका लागि भारतीय राजदूतलाई परराष्ट्र मन्त्रालयमा बोलाई विरोध जनाउन पनि सरकारको ध्यानाकर्षण गराएको छ।

वक्तव्यमा भनिएको छ, ‘सहमतिअनुसार वार्ताबाट समस्या समाधान गर्ने तथा नेपाली भूमिबाट भारतीय सेना फिर्ता लैजानुको सट्टा भारतले सो क्षेत्रमा एकपक्षीय ढंगबाट सडक बनाई यातायात सञ्चालन कार्य शुरू गरेको छ। भारत सरकारको यस्तो मिचाहा प्रवृत्तिको राप्रपा भर्त्सना गर्दछ।’

हेर्नुहोस् वक्तव्य