कास्की । लिपुलेक अतिक्रमणकाविरुद्ध पोखरामा विद्यार्थी संगठनले भारतीय प्रधानमन्त्री नरेन्द्र मोदीको पुत्ला दहन गरेका छन् । विद्यार्थीले आइबार पोखराको महेन्द्रपुलमा भारतबिरुद्ध नाराबाजी गर्दै मोदीको पुत्ला जलाएका हुन् ।

महेन्द्रपुलमा जम्मा भएका केही विद्यार्थीहरुले भारतीय प्रधानमन्त्री नरेन्द्र मोदी र भारतबिरुद्ध नाराबाजी गर्दै ‘भारतीय विस्तारवाद मुर्दावाद, लिपुलेक हाम्रो हो’ लगायतका नारा लगाएर मोदीको पुत्ला जलाएका हुन् ।

पुत्ला दहनका क्रममा प्रहरीले केही विद्यार्थीहरुलाई नियन्त्रणमा लिएको छ । अनेरास्ववियुका केन्द्रीय सदस्य क्षितिज सापकोटा र जिल्ला स्तरका विद्यार्थी नेता बिनय तिमल्सिना, विशाल गोले र मदन पहारीलाई प्रहरीले पक्राउ गरेको छ ।