काठमाडौँ। भारत सरकारले लिपुलेकसम्म बाटो बनाएर यातायात खोलेको विषयप्रति राष्ट्रिय प्रजातान्त्रिक विद्यार्थी संघठनले आपत्ति जनाएको छ ।

संघठनले एक प्रेस विज्ञप्ति जारी गर्दै भारतले नेपालको भुमि लिपुलेकसम्म बाटो बनाएर यातायात खोल्ने कार्य गरेकोप्रति आपत्ति जनाएको हो । विगत केहि लामो समयदेखि नेपालको सिमा क्षेत्र असुरक्षित बन्दै आएको कुरा विज्ञप्तिमा उल्लेख गरिएको छ। विज्ञप्तिमा भनिएको छ- ‘भारतले नेपालको अविभाज्य भूभाग लिपुलेक, लिम्पियाधुरा,कालापानी क्षेत्रलाई समेटेर आफ्नो नक्शा सार्बजनिक गर्यो, सार्वभौम नेपालीहरुले निरन्तर आवज उठाईरहे, राष्ट्रिय प्रजातान्त्रिक विद्यार्थी संघठन लगाएत विभिन्न संघ संघठन, नागरिक समाज लगाएत स्वाभिमानी नेपालीहरुले देशमा आन्दोलन गरे। उक्त समयमा नेपाल सरकारले कुटनैतिक पहल मार्फत सिमा विवाद समदान गर्न तदारुकता देखाएन तर हिजो मात्रै भारतका रक्षा मन्त्रीले आफ्ना सेना प्रमुख संगै नेपालको भूभागबाट मानसरोवर सम्म जाने बाटोको उत्घाटन गरे। राप्रविसं यस कार्यको घोर भत्सना गर्दछ। ‘

यसका साथै राष्ट्रिय प्रजातान्त्रिक विद्यार्थी संघठनले सरकार आहिलेसम्म मौन रहनु र परराष्ट्रमन्त्रिले जानकारी नभएको बताउनु, रक्षाबाट कुनै प्रतिक्रिया नआउनु भनेको राष्ट्रप्रति गैजिम्म्वर भएको ठहरिने जनाएको छ। विज्ञप्ति मार्फत राप्रविसंले मिचिएका भूभाग र यसले निम्ताएका समस्या समाधान गर्नु सरकार र रक्षाको दायित्व भएकाले सिमा क्षेत्रको विवाद शीघ्र समाधान गर्न सरकारको ध्यानाकर्षण गराएको छ।