विश्वभरि कोरोनाभाइरस सङ्क्रमण भएको पुष्टि हुने मानिसको सङ्ख्या ४० लाखभन्दा बढी भएको जोन हप्किन्स विश्वविद्यालयले जनाएको छ।

कोरोना भाइरसका कारण विश्वभरि अहिलेसम्म दुई लाख ७७ हजारभन्दा बढीले ज्यान गुमाइसकेका छन्।

अमेरिका सबैभन्दा बढी प्रभावित देश बनेको छ।त्यहाँ विश्वभरि देखिएको कुल सङ्ख्याको एकचौथाइ सङ्क्रमण देखा परेको छ। कोभिड(१९ का कारण विश्वभरि भएको मृत्युमध्ये एकतिहाइ अमेरिकीमा भएको हो।विशेषज्ञहरूले कैयौँ देशमा पर्याप्त परीक्षण नभएकाले सङ्क्रमणको सङ्ख्या कम देखिएको हुनसक्ने बताएका छन्।