काठमाडौं । एक चिनियाँ सञ्चारमाध्यमले विश्वको अग्लो शिखर सगरमाथा चीनमा पर्ने उल्लेख गरेको छ ।

नेपाल अहिले चौतर्फी संकटमा परेको छ । छिमेकी चीन र भारत दुवैले नेपालको भूमि अतिक्रमण गर्न थालेका छन् । भारतीले लिपुलेक अतिक्रमण गरेर ८० किलोमिटर सडक बनाएको र त्यसले नेपाल र भारतचबीच तिक्तता बढिरहेका बेला चीनले समेत नेपालको सगरमाथालाई आफ्नो भनेर दाबी गरेको छ ।

चिनियाँ सरकारी मिडिया सीजीटिएनले नेपालको सगरमाथालाई आफ्नो भनी दाबी गरेको हो । आइतबार प्रकाशित समाचार र तस्बिरमा चोमोलोङ्मा अर्थात माउन्ट एभरेस्ट तिब्बतमा पर्ने उल्लेख गरेको छ ।

सीजिटिएनमा चिनियाँ सरकारका आधिकारिक कुरा मात्र आउने गर्छन् । सगरमाथालाई चीनले समेत दाबी गरेपछि अब नोपलले एकसाथ भारत र चीनसँग अधिकारका लागि लड्नुपर्ने परिस्थिति आएको छ । जबकि सगरमाथा नेपालको भएकोमा दुईमत छैन ।