स्याङ्जा । काठमाडौँबाट जागिर सरुवा भएपछि स्याङ्जा घर पुगेका एक व्यक्तिलाई आफ्नै बुवाले क्वारेन्टाइनमा राखेका छन् ।

सरुवा पश्चात् हाजिर हुन रुपन्देही पुगेका नायव सुब्बा बिबेक रणपाल रुपन्देहीमा हाजिर भएर, बस्न अनुकूल भए पश्चात् कार्यालय हाजिर व्यवस्था मिलाइ आफ्नो घर स्याङ्जा पुगेका हुन् ।

रणपाललाई उनका पिता ओम बहादुर रणपालले वडा अध्यक्ष लगायतलाई खबर गरी क्वारेन्टाइनमा राखेको रणपालले राजधानी न्युजलाई जानकारी दिए ।

उनले भने “सरुवा भएर रुपन्देही पुगेँ, लकडाउनका कारण त्यहाँ बस्न उपयुक्त नभएपछि घर आएको थिए ।”

अन्य स्थानबाट गाउँपालिका प्रवेश गरेका उनी सहित १५ जनालाई कालीगण्डकी गाउँपालिका २ ले आदर्श मा. बि.मा निर्माण गरेको क्वारेन्टाइनमा राखिएको वाडा अध्यक्ष नर बहादुर रानाले जानकारी दिए ।

उनले भने ” क्वारेन्टाइनमा रहनुभएका सबैजनालाई सुरक्षीत एवं प्रहरिको निगरानिमा राखिएको छ । नियमित रुपमा स्वास्थकर्मी आएर परिक्षण गर्ने गर्नुभएको छ । हालै मात्र नेपाल सेनाबाट समेत अनुगमन भएको छ ।”

शुक्रबार काठमाडौँबाट लु ४५ प १५३४ नम्बरको बाइकमा रुपन्देही हुँदै घर पुगेका उनलाई १४ दिनका लागि क्वारेन्टाइनमा राखिएको हो ।

चिनियाँ र प्रहरी बिच झडप प्रहरी डिएसपी सहित ३ घाइते भिडियो