काठमाडौं । नेपाली राजनीति- जलप लगाएर टल्काइएको छ। टल्केको जलप हेर्न आएका कार्यकर्ता,जनतालाई राम्रो मौका हेरेर छिमेकीहरू कोही रमाएका छन्, कोही राम्रो दाउ कुरिरहेका छन्। नजिकैको एउटा छिमेकी सबै भन्दा बढी रमाइरहेको छ – काठमाडौँ लाई दिएको त्यो जलप पनि नक्कली थियो, पत्ता लागेन भनेर।

कुरा स्पष्ट छ – नेपाली राजनीति नेपालीले चलाएका छैनन्। नेपाली राजनेता भनेर आफूले आफैलाई खुब गर्व गर्नेहरूलाई चेसको गोटी बनाएर खेलाउने “मास्टरमाइन्ड” हरू अरू नै छन्। कुरा राजनेताको मात्र हैन, यहाँ हरेक कुरामा विदेशी हस्तक्षेप छ , बस नेपालीको आँखामा छारो हाल्न नेपालीपनको जलप लगाइएको छ र त्यो जलप लगाइदिने पनि अरु नै छन्।

देशको विभिन्न कालखण्डमा भइआएका थुप्रै सन्धिहरू यसका ज्वलन्त उदाहरण हुन। जसको पीडा मेरो तीन पुस्ता देखिले भोग्दै आइरहेको छ। अचम्म लाग्छ – राष्ट्रको बागडोर सम्हाल्ने अनि जलप लगाइएको राजनीति गरेर जनतालाई धोका दिने? यो त भएन नि नेता ज्यू..

जुन देशमा नेताले जनतालाई, प्रहरीले गीतालाई, न्यायाधीश ले न्यायलाई र जनले नैतिकतालाई धोका दिन्छ – त्यो देशमा शान्ति, सुव्यवस्था र समृद्धि आशा गर्न सकिन्न।

यस्ता कुराहरूलाई पुनर्विचार गर्दै जनहरूले उपर्युक्त कदम चाल्नु पर्छ। जलपलाई सुन ठान्ने हाम्रो भ्रम अन्त्य गर्दै सुखी र समृद्धि को बाटो तर्फ उन्मुख हुन जरुरी छ।

समृद्धि र समुन्नत नेपाल – हाम्रो पहिचान

चिनियाँ र प्रहरी बिच झडप भिडियो