काठमाडौँ । भारत सरकारले लिपुलेकसम्म बाटो बनाएर यातायात खोलेको विषय प्रति राष्ट्रिय प्रजातन्त्र पार्टीका अध्यक्ष कमल थापाले आपत्ति जनाएका छन् ।

अध्यक्ष थापाले सामाजिक संजालमा टिप्पणी गर्दै नेपाली भूभागमा रहेका भारतीय सेना फिर्ता गर्नुको साटो नेपालको भुमि लिपिलेकसम्म बाटो बनाएर यातायात खल्ने कार्यको भर्त्सना गरेका छन् ।

उनले सामाजिक संजालमा भनेका छन् – ‘लिम्पियाधुरा/लिपुलेक नेपाली भुमी हो । त्यहाँ रहेका भारतीय सेना फिर्तागर्नुको सट्टा लिपुलेकसम्म बाटो बनाई यातायातको निमित्त खोलिएको तथ्य सार्वजनिक भएको छ । भारत सरकारको यस कार्यको भत्सर्ना गर्दछु । यसवारे नेपाल सरकारको उदासिनता खेदजनक छ । यसवारे अविलम्ब आबश्यक कदम चाल्न सरकारसंग माग गर्दछु ।’

अध्यक्ष थापाले यस विषयमा नेपाल सरकारको उदासीनता खेदजनक रहेको बताउदै अबिलम्ब कदम चाल्न सरकारसँग माग पनि गरेका छन् ।