काठमाडौं । भारतमा रेलले किचेर १६ प्रवासी मजदुरको मृत्यु भएको छ । भारतको महाराष्ट्र राज्यको औरंगाबादमा मालबाहक रेलले किचेर १६ जना मजदुरको मृत्यु भएको जनाइएको छ ।

घटनास्थलमै १६ जनाको मृत्यु भएको छ भने गम्भीर घाइते पाँचजनालाई उपचारका लागि अस्पताल भर्ना गरिएको छ । रेलको पटरी नजिकै सुतिरहेको अवस्थामा रेलले किचेको अनुमान गरिएको भारतीय सञ्चारमाध्यले जनाएका छन् । उनीहरु छत्तिसगढ तर्फ पैदल गइरहेको जनाइएको छ । सबै मजदुर औरंगाबादको एक स्टील फ्याक्ट्रीमा काम गर्थे ।