काठमाडौं। नेपालमा थप २ जना कोरोना संक्रमणका बिरामी फेला परेका छन् ।

स्वास्थ्य तथा जनसंख्या मन्त्रालयका अनुसार कपिलबस्तुका १६ र २२ वर्षका पुरुषमा कोरोना पुष्टी भएको हो । यससँगै नेपालमा कोरोना संक्रमितको संख्या १ सय १ पुगेको छ ।

टेकुस्थित राष्ट्रिय जनस्वास्थ्य प्रयोगशालामा भएको परिक्षणमा उनीहरुको रिपोर्ट पोजेटिभ आएको हो । स्वास्थ्य मन्त्रालयका अनुसार संक्रमित २ जनाका स्वास्थ्य अवस्था सामान्य रहेको जनाइएको छ ।

नेपालमा हालसम्म ३० जना कोरोना संक्रमित निको भइसकेका छन् । जसमध्ये २२ जना अस्पतालबाट डिस्चार्ज भइसकेका छन् ।