काठमाडौं । सप्तरीको अग्निसाइर कृष्णसवरण गाउँपालिका–२ सीतापुरमा आज भएको दुर्घटनामा एक युवकको घटनास्थलमै मृत्यु भएको छ । पूर्वपश्चिम राजमार्गस्थित सवारी साधन मर्मत गर्ने ग्यारेज अगाडि सडक किनारमा रोकिराखेको ना ३ ख ६१२६ नम्बरको ट्रक पछाडि ठोक्किएर स ८ प ५६२९ नम्बरको मोटरसाइकल सवार अग्निसाइर कृष्णसवरण गाउँपालिका–४ प्रसवनीका २३ वर्षीय विक्रम सरदारको घटनास्थलमै मृत्यु भएको स्थानीय तारकेश्वर सिंहले बताए ।

उनीसंगै मोटरसाइकल पछाडि सवार सोही ठाउँका २६ वर्षीय तरुण सरदार गम्भीर घाइते भएका छन् । घाइते तरुणलाई उपचारका लागि न्यूरो अस्पताल विराटनगर लगिएको छ । उनीहरु माछा मार्ने भनेर बिहानै घरबाट निस्किएका थिए ।