धनगढी । कोरोना भाइरसको आशंकामा कञ्चनपुरकी एक महिलालाई सेती प्रादेशिक अस्पतालमा भर्ना गरिएको छ । कञ्चनपुरको भीमदत्त नगरपालिका वडा नम्वर १९ की ३४ वर्षीय महिलालाई आज विहान कोरोना भाइरसको आशंकामा सेती प्रादेशिक अस्पतालमा भर्ना गरिएको हो ।

प्रादेशिक अस्पतालका सूचना अधिकारी दिलीप कुमार श्रेष्ठले ज्वरो र रुघाखोकी बढेपछि उनलाई सेती प्रादेशिक अस्पतालको आईसोलेसनमा राखिएको बताए । उनका अनुसार ति महिलाको आन्तरिक ट्राभल हिस्ट्री मात्रै रहेको छ ।

थ्रोट स्वाबको नमूना संकलन गरी परीक्षणका लागि धनगढीको प्रयोगशालामा पठाईएको उनले बताए । उनलाई महाकाली अस्पतालबाट थप उपचारका लागि सेती अस्पताल ल्याईएको हो । सेती अस्पतालमा अहिले कोरोना भाइरसको संक्रमित एकजना र भाइरसको शंकास्पद एकजनाको उपचार भैरहेको छ ।