कञ्चनपुर । कञ्चनपुरमा विस्फोटक पदार्थ पड्किँदा एक बालक घाइते भएका छन् । बुधबार बिहान जिल्लाको महाकाली नगरपालिका वडा नम्बर ३ दोधारामा उक्त विस्फोटक पदार्थ पड्किँदा नौ वर्षीय बालक महेन्द्र नेपाली घाइते भएको प्रहरीले जनाएको छ ।

महाकाली नगरपालिका– ६ शान्ति टोलको पटेराघारीमा भेटिएको शंकास्पद वस्तु खेलाउने क्रममा पड्किदा बालक घाईते भएको जिल्ला प्रहरी कार्यालयका प्रवक्ता प्रहरी नायब उपरिक्षक रविन्द्र पौडेलले जानकारी दिए । घाइते बालकको दुवै हातमा चोट लागेको छ । उनलाई उपचारका लागि सेती प्रादेशिक अस्पताल धनगढी ल्याईएको छ । विस्फोटक पदार्थ कसले र किन राख्यो भन्ने विषयमा प्रहरीले थप अनुसन्धान गरिरहेको जानकारी दिएको छ ।