उदयपुरका ६ जना कोरोना मुक्त भएर डिस्चार्ज, अझै १४ दिन क्वारेन्टाइनमा राखिने

विराटनगर । प्रदेश एकको कोसी अञ्चल अस्पतालमा कोरोना उपचार गराइरहेका ६ जना डिस्चार्ज भएका छन् ।
कोभिड—१९ उपचार केन्द्रमा उपचार गराएर ठिक भएका ६ जना भारतीय नागरिक बुधवार डिस्चार्ज भएको प्रदेश एकको स्रोतले जनाएको छ ।
उदयपुरको नुरी मस्जिदबाट कोरोना सङ्क्रमण पुष्टि भएका उनीहरूको पिसिआर परीक्षणमा दुई पटक कोरोना रिर्पोट नेगेटिभ आएपछि बुधवार अस्पतालबाट बिदाइ गरिएको हो।
डिस्चार्ज भएका २१, २६, २८, २९, ३० र ३४ वर्षीय पुरुष हरूलाई विराटनगर स्थित एक क्वारेन्टाइनमा पुनः १४ दिन राखिने बताइएको छ ।
प्रतिक्रिया दिनुहोस्