काठमाडौँ । विश्वव्यापी रुपमा फैलिएको कोरोनाभाइरसका कारण भारतमा संक्रमित र मृत्यु हुनेको संख्या बढ्दै गइरहेको छ ।

भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा २९ सय ५८ जना संक्रमित पुष्टि भएको छ । योसँगै भारतमा कुल कोरोना संक्रमितको संख्या ४९ हजार ३९१ पुगेको छ ।

त्यस्तै २४ घण्टामा भारतमा १२६ जनाको मृत्यु भएको छ । योसँगै भारतमा कोरोनाबाट मृत्यु हुनेको संख्या कुल एक हजार ६९४ पुगेको छ । त्यस्तै भारतमा अहिलेसम्म १४ हजार १८२ जना ठिक भएका छन् ।

त्यसैगरी विश्वभर कोरोना संक्रमितको संख्या ३७ लाख २७ हजार ८०२ पुगेको छ भने मृतकको संख्या २ लाख ५८ हजार ३३८ पुगेको छ । त्यस्तै विश्वभर १२ लाख ४२ हजार ३४७ जना कोरोना संक्रमित ठिक भएका छन् ।